БИСЇДА Про мене бисїда, ги мід, Ōна дана минї выд мамы. Розтопит ми на сирдцю лід, Розганят гет мракы-туманы. Як Прометей быв дав огне, Орел завто му пичінь дзьобав. Не є у нас и єдного дне, Убы ся тко сь не смїяв, не гобав. О як сяк смїшно говорити! Нас фурт нитко не рōзуміє! Уже ся треба выдучити, Бо з нас неграмотнōстьов віє! Бо грамотно - тото лиш так, Ги в теливізōрі гōвōрят. А мы усе - йо, айно, пак, Завто на нас ся нич не твōрят. Не гōвōрім, ги баба й дїдо, Тото не в трендї, давнина! Нам сяк живот ся стелит блідо, За йсе не наллют нам вина. Сяк терпиш, бисїдо, в ланцах, Тебе туй нич лиш розпинавут, Бо ты нитко у їх очах, Цїнити рӯдноє не знавут. Но точно будеш дале жити, Бо в тōбі прадїдӯвськый дух. Ги чічка пчӯл нектар звеш пити, Неінтересна сь лиш про мух. Тоты, тко люблят рӯдне слово, Тями, всокōтят тя выд бід. Про нас звучиш усе сятково, Про нас солодка сь, ги кōй мід. Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
