ШТО БУДЕ ПО СМЕРТИ? Зобрали ся старі люди, як тото байлує быти, у нидїлю на лавици. Старі-нестарі, а за рōбōчі ся дны нарōблят. Не гōднї сидїти, усе си талант найдут. А у нидїлю, на лавици, пиля рікы й пӯд старыми сливами, мож си файно припочити тай наприказоватися. Бисїд у старōй чиляди доста. Доста за всьо тай за всячино. За што сь серйозноє: хыбы, ґаздованя, болячкы; за живӯт, як тото было тай за всякі дурницї. Ги тото сохтує быти у старых людий, зайде говоріня за, мож пōвісти філософськоє, житя и смирть. Межи вшиткыми быв старый Палко. Сидїв си там и смиренно всьых слухав. Єднї угадовали, што є по смерти, другі казали, ож нїшто за сякоє говорити, бо итак ся не угане, а пак увидит каждый што тай як. Палко на вто вшитко пōвів: " Я цїлый живот проробив лїсником. Тко як, а я буду лісником, кōй и умру. Буду си тамкы з деревом нарабляти: ходити, дїлянкы выписовати, убы рогатым, неснили бы ся, на смōлу было. Автор: Мигаль Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.