БЛАГОВІЩЕНЯ
7 апріля православні и греко-католикы краю празднувут єдно из майвеликых християнськых сят - Благовіщеня!
Днись споминаєме, як Архангел Гавриїл спōвістив Діву Марію, ож у будучности Ōна уродит Ісуса Христа - Сына Божого и Спасителя світу. Йсі слова Архангела Гавриїла были первōв благōв вістьов не лиш Діві Марії, ай дїля вшиткого світї по гріхопадїню (выд Адама тай Євы).
Многі держат Благовіщеня, ги май великоє сято, як Великдинь. У "Етноґрафічному очерку угро-руськых" Георґій Жаткович писав, ож Русин Благовіщеня за майбӯльшоє сято держит.
Из майзнаных віровань знаєме, што днись починат зōзуля кукати тай гыды лізут из зимлї.
За народными вірованями, до Благовіщеня не мож садити, бо земля ищи "мертва", не прōбудила ся выд зимного сна. Тко посадит до Благовіщеня, не буде мати файного врожаю. Айбо уже по сяту, кидь позвōлят погода, мож садити.
Сього сята много віщовали, яка буде городина (урожай) тай погода. Сякі прикметы выд народа записав сященик Георгій Жаткович, што м го споминав выще. Сякі матеріалы сут цїннї про нас у днишньый час. Ним было записано, ож містами лиш на Благовіщеня пускавут ся пчолы. Яка година (погода) на Благовіщеня, така буде и на Великдинь. Кидь Благовіщеня на пӯсный динь припадат, тїсный рӯк буде. За кӯлько днӯв спӯвают жабы до Благовіщеня, за тӯлько будут мōвчати по Благовіщеню (буде мороз).
Автор: Мигаль Чикивдя 07 апреля 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
