Я ЛЮБЛЮ Я люблю, коли фрішно зрана, Айбо у ногы ми тепло, Коли поточок лід укрыват, Такоє видит ся, ги скло. Коли снїжок рипит у голос, Укрыє поле, хамникы. Я люблю ярь, коли ся вкажут, Сининькі расты, козинкы. Ги молоко, білинька вишня, В садōчку файно зацвіла. И перва, ярня сильна туча, З-за полонины вже прийшла. Я люблю й ягūдкы ліскōві, У хащи грибикы найти. Напити ся воды з кырницї, И дале арсаком ити. Я люблю, кōй всьо засажено, Цибулі вымкнути пучок. Изісти свіжу парадичку, Долиш из ниї дрисне сок. Я люблю істи солонинкы, На шпōрі пе́ченых бульок. И слухати, як огник лускат, Кōй дрōв довержеш ци трісок. Я люблю, кōй вже докошено, И сїно дощик ни прилляв. Кōй вшидкі булі у пūвници, Тоды уже'м си пōкūв дав. Я люблю, коли ōсїнь красна, Усї хащі нам розфарбит, Коли сижу у теплūй хыжи, А на двōрі мороз, цїпит. Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
