Ни рōзумів я наш народ, Як годно так тото ся стати? Ож зычиме усьо выд другых, А своє стали забывати. На Рождество быв керечу́н Тай бобалькы́ усьо житя, Но а типирь, низнати выдкі, Вже вмісто того в нас кутя. Давно у прōруб ни скакали, А лиш сятила ся вода. Привыкли были сме робити, Бо нич ни было без труда. Ни староста проводит свальбу, Вже чинит кōнкурс тамада И чим май дале, мало гуслӯв А трыцкони́т якась біда. А на Великдинь, вмісто паскы, Вже датко хōтїв бы куліч. Закру́чованцї тай бабōвку, Давно забыла в хыжи піч. И Хелувін из Гамерикы, З-за океану уже прийшōв, Тоды, коли руснак з родинōв, Палити свічку в тын пӯшōв. Тай босоркань забраковали, Тото, ги кажут, прoшлый вік, У нашӯм краю вже мольфаркы, Сяк їх называт чōлōвік. Туй фіґлі-фіґлями, но кажу, Цїнити треба си сохташ. Бо кидь забудеме мы своє, Та гет пропаде нарӯд наш. Автор: М.Чикивдя Закарпатя 10. І. 2022 гуд.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.