Русинский поэт М. Чикивдя «Прощен бы, прадїд ми Яно, шістнадцїть рōкӯв як умер. Давно вто было, айбо час…»

Русинский поэт М. Чикивдя «Прощен бы, прадїд ми Яно, шістнадцїть рōкӯв як умер. Давно вто было, айбо час…»

Прощен бы, прадїд ми Яно, 
Шістнадцїть рōкӯв як умер. 
Давно вто было, айбо час 
Про нього памнять не подер.
 
Тать-де забуду, кидь самый 
Усе тоды го споминав, 
Кōй прӯйду Жолоба, йду в Лысу, 
На полони́ны позирав. 

Бо там помалы, динь-у-динь, 
Ни раз з худōбōв ночовав. 
Бо прадїд у ня быв вӯчарь, 
Та фурт си вӯцї дозирав. 

И я малый го йщи застав, 
Тай доста файно затямив. 
Я пōмню всьо, коли приходив, 
Коли, прощен бы, ищи жив. 

Як баба нарабляла з вōвнōв 
Тай вуцї, ягнятка малі. 
Но як минї за йсе забыти? 
Сякоє было у селі... 

Тямлю си ōпрōвӯд тот смутный, 
Як было хмуро, студино. 
Прощальный наказ доста куртый, 
Спочив на вік Иван Яно. 

Спочив, лиш памнять ся упстала, 
Примір у сьому є вірші. 
Я вірю, лишив ся у горах 
Дарабчик прадїда душі... 

Автор: М. Чикивдя 03 октября 2022 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Добавить комментарий

Иконка левого меню