Встречайте нового члена Общества русинских умельцев (бывшего Союза русинских писателей Закарпатья) поэта Василия Кричфалувший

Встречайте нового члена Общества русинских умельцев (бывшего Союза русинских писателей Закарпатья) поэта Василия Кричфалувший

СТРІЧАЙТЕ нового члена Общества русинськых умільцюв ( бывш. Сōюз русинськых писателюв Закарпатя): поета Василя Кричфалушія

Честованї цімборове, маєме за честь представити Вам нового члена Общества русинськых умільцюв, талантливого поета Василя Кричфалушія. Його поезія несе у сōбі глубокый духовный характер, проникнутый любōвлю до Бога тай ближньых, и стає визначным вкладом у скарбник русинськōй літературы.

Християнський дух у творчости Василя
Василь Кричфалушій — поет, чиї творы проникают душōв тай прōбуджуют найтōнші струны сирдця. Його поезія основана на глубокых християнськых пересвідченях, што одображают його духōвный розвōй тай восприниманя світу. Каждый стих, каждый шорик проникнутый благоговіньом и вірōв у Бōжу мудрōсть. Слова му ллют ся з уднушньой глубины й перечинюют поезію на своєобразный  молитōвный дїалоґ з Выщими Силами.

Любōв до Бога и ближньых
У творчости Василя Кричфалушія  выдбиват ся сердечноє поклонїння Твōрцю и безкрайна любōв до ōкружаючых. Його поезія ōтїлеснює принципы взаімного пōрōзуміня, доброты тай милосирдя. Вӯн рōзказує за прекрасноє у прōстōтї живота тай скапчаности людий. Каждый верш — исе клик быти толерантными, милосердными тай помагати єден другōму у тяжкі минуты.

Слїд у русинськӯй літературі
Духōвна поезія Василя Кричфалушія лишат нехōтьякый слїд в русинськӯй літературі. Він ōдушевляє и кріпит духōвный свїт свойих читачӯв, переносит їх у красну реальнōсть духōвного рōсту. Його слова є літературным богатством, котрый пестит душу и выдкрыват нōві перспективы думаня
Будучнōсть творчости Василя Кричфалушія

Увіреный-им, ож новый член Общества русинськых умільцюв (бывш. Сōюз русинськых писателюв Закарпатя), Василь Кричфалушій, принесе у свойих творах читаво глибокых емоцїй и незабытных моментӯв. Вӯн буде робити над сōбōв и стане истинным критерійом выщого літературного майстерства, чим пӯдōйме русинську поезію на новый уровинь.

Общество радо чекат нōві поетичні шедевры Василя Кричфалушія, убы сьме ворохом  даровали свїтлі моменты у свїтї слова. Така поезія — исе припомненя про тото, што добро фурт перемагат, а любōв є вічнōв ниткōв, котра нас єднат вшиткых.

Най твōрчӯсть Василя Кричфалушія буде ищи єдным прикладом того, як слово годно лічуити душу та міняти свїт. Вірю, што його поезія збагатит нашоє літературноє наслїдство тай лишит ся у сирдцях читатӯв навхтема!

Из честованьом,
Мигаль Чикивдя

ПОЕЗІЯ ВАСИЛЯ КРИЧФАЛУШІЯ:

Народе муй добрый, народе муй милый,
Хочу бысь ты быв здоровый, веселый, щасливый,
Абысь ни быв равнодушный, бысь быв милосердный,
Абысь віров жив і правдов, абысь быв усердный.
Хочу браття бысьме были ни злі і лукаві,
Бысьме были як брильянты в золотуй оправі,
Абы жоны были мудрі, як вірні цариці,
Ни розкрашині і голі, як одні блудниці.
Абы й люди были вірні, а ни блудодійці,
Бы давали серце Богу і однуй лиш жінці.
Хочу браття, молю Бога, абы наші сім'ї,
Жили в мирі і любові, были богомільні,
Абысьме і своїх ближніх щитали братами,
Нігда бы ся ни ганьбили старинької мамы.
Бысьме Христа ни забыли, ськаючи земного,
В нашуй жизни уповали, на одного Нього.
Бысьме ближнім помагали у біді усякуй,
Як дякуют, вдповідали," Богу, брате, дякуй!"

____________________________________
Усі сяті Карпаторуські,
Моліте Господа за нас,
Бы тямили і мы вутцюські
Молитвы, подвигы і час.

Моліте Господа бы люди,
Всі християни в сюй землі,
Ніде, ніколи і нікуди,
По жизни не ішли самі.

Направ нас Боже, вразуми нас,
Щоб мы училися в сятых,
З Тобов пребыти всякый час
І не лишай Ты нас самых.

Ты дав нам заповідь любити,
Всіх, ближніх, рудных, гнівників
Ты научи нас, всіх щадити,
Абы і Ты нас пощадив.

В нас тулько гордости і злобы,
І зависті, і темноты
Сковали нас гріхы, хворобы,
Зцілити можеш нас лиш Ты.

Смиренно, стану на молитву,
І тихо молюся до Вас,
Усі сяті карпаторуські,
Моліте Господа за нас.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/  и автора произведения Василий Кричфалуший, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Добавить комментарий