КАРПАТСЬКА ЛЕГЕНДА Йсю легенду чи міф розказала мені моя покойна бабка Кустрьо О.І. А юй розказала її прабабка, а туй бабці її бабка. І так кулькось поколінь прапрапрабабок розказовала своїм онукам оту легенду. Так вона і дойшла до нашых дну. А легенда розказує про то, як проізошли Карпаты. ... Колись дуже давно, що то вже не помнила і сама стара прапрапра....бабка,що коли то было-на сьому місці де величают Карпаты, была ровна земля. Росли на туй землы усякі дерева-буки, дуби, явори, смереки. Косиці на полях цвіли-ромашки, брандуші, цінторії, сколоздрикы, циганочкы.... По долинах текли потучкы і річкы-рибы было всякої в них. Ґаздом отої всьої красы быв великан Силун. І край називався Силунським, або Силунська Зымля. Быв Силун дуже багатий. Мав без щоту усякої худоби, птиці. І робили на нього люди, якых вун нанимав на роботу, а потом робив їх своїми слугами. Жив Силун дуже добре-не знав ні холода ні голода. Палац йому построїли з білого мрамора. Спав на овечых шкурах. Полюбльовав виноград їсти сидячи в золотому кріслі в холодочку в обідній час, коли сонце припікало. А люди-слуги цілими днями трудилися на полі, на фермах, на птичниках Силунових-наживали йому багатство. І не мали права люди лишити Силуна - а жили і вмирали його кріпаками..... ...... А далеко у Дніпровських широтах жив собі хлопчик на ім'я Карпо. Круглий сирота. Бідовав дуже. Наслухався Карпо выд людый про Силуновый край і рішив іти до Силуна. Довго йшов Карпо докы дуйшов до Силуна-цілі два года. Вырушив у путь коли мав 10 году од роду-а до Силуна добрався уже у 12 году... ... Подивився Силун на малого - обмірковав добре яку з нього пользу буде мати і взяв його на роботу. Так і ішов гуд за годом. Карпо вирус і в 20году був настоящим красеньом-плечі широкі, рукы здорові, високий. Добре серце мав Карпо-попри свою роботу помагав іще і другим, бо жалів слабых. За його доброту, справедливость, порядочность полюбив його простый люд. Но не любив Карпо тых, що кланялися Силунові низько в ноги, що доносили пановы на трудях. Но в свої 20 Карпо рішив вертатися дому на Дніпро. І рішив просити у Силуна гроші за всі годы своюї роботи у нього. І якось увечирі увидів Карпо Силуна в саду. Приблизився до ґазды і каже: -Маю бисіду з вами, пане Силуне. -Кажи, Карпо, що ся стало. -Та служу я у вас уже не оден год і надумав я вертатися дому на Дніпро. І хотів бы попросити гроші за роботу. Побілів выд злосты Силун-просити гроші в нього ніхто не смів, і лишати роботу в нього ніхто не мав права. А туй Карпо... -Та як ты смієш просити в мене таке. Ты моя власность до конца твоюї нищої жизни. Я такі тобі зараз гроші дам... І як ухопив Карпа і кинув ід земли. Та з таков силов, що загнав Карпа до колін у зымлю. Выбрався Карпо з землі, і почуствовав велику силу в собі що й сам напудився. Ухопив Силуна, пудняв на руках высоко, і з усьої сили ударив ним у зымлю. Розкололася Зымля выд удару такого-одкрылася велика пещера в землы і забрала Силуна. Коли Силун оказавсі у пещері-закрылася зымля. Розбушовався Силун-начав кулаками зымлю выбывати. На не одкрывалася Зымля. Выд Силуновых удару Зымля выгыналася і образововалися горы. Все май много і май много. Палац його із білого мрамора провалився пуд зымлю, лишив послє себе лиш величезну яму. На другой дынь ту яму залила вода. Люди назвали то озеро Синевір-за чисту і криштальову воду. Горы в чысть Карпа Дніпровського назвали КАРПАТАМИ. Карпо повернувся дому на берег рудного Дніпра. А люди так і осталися жити в прекрасному краю-в горах Карпатах. Зымлі оти люди назвали ЗАКАРПАТСЬКИЙ КРАЙ. ... Отака легенда про справедливого Карпа з Дніпра. І про то, як проізошли Карпати. Чи то правда, чи ні--не узнаєме то ніґда. Но як справедливо у жизны быває-добро перемагає. Зло усе наказане. За таку історію дякую моюй бабці-через 17году послє її смерты я рішила розказати її. Розказала Кустрьо О.І.-послухала, запомнила і записала я Цірик Аня
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Аня Цiрик, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.