Тече житя. Тече Боржава. Убертат ґолесо в млині. Давно вже коні не іржали В помолоділому селі. Та й ґолесо – ото лиш памнять. Ниє давно уже млина… Вода губами мляво плямкат Так, ги бы хóтіла вина. Старі усе вина бы пили И говорили бы про млин. А по вóді щóсь пишут вилы. А в небі бузькüв довгый клин… Мука тече помежи персты Так, ги історія. Колись Поможе кось ти хрест понести. Поможе, може. Та не нись. А ниськы сів׳ись коло моста Та мечеш плиску. Ги дітвак. Десятый раз си кажеш: «Доста!» Айбо не рушашся нияк. Автор: Василь Кузан 27-28 ноября 2017 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Василь Кузан, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.