Вичӯр памняти знаного поета ИВАНА ФŌТУЛА: майстра слова тай умільства, што затямив ся пōдкарпатськōму краю. 2 авґуста у 14:00 (за Києвом) у Свалявськӯй публічнӯй бібліотицї выдбуде ся вичӯр памняти знаного поета Ивана Фōтула, члена Сōюза русинськых писателюв Закарпатя ( нынї - Русинського літературно-културного общества) тай умільця, што прославив ся свойими фіґлярськыми поезійными книгами. На мироприятю будут його твōрчі колеґы тай цїнителї, што всокотили його творчоє наслїдство. Книжкы Фōтула, умільські роботы тай спомины про нього вчинят теплу тай памнятну атмосферу, кōтра пӯдтвердит, ож поет лишит ся живым у сердцях людий навхтема. ПРО ИВАНА ФŌТУЛА Иван Фōтул родив ся в селї Черник на Свалявщині, де й прōявив cя його дар письма вєдно из любōвльов до материнського слова. Його творчество выдзначат ся ориґінальнōстьов тай глубокым чуством гумōру. Через свōї верші, вӯн не лише веселив свойих читачӯв, а й даровав їм радӯсть тай добрый настрӯй. Дуже файным быв його пӯдход до єднання глубокых філософськых мыслюв из фіґлями, што чинило його творы фурт красными. За живот, выдав много книг українськōв тай русинськōв бисїдами. Иван Фōтул присятив живот не лише літературі. Пчолярство та рӯзьбярство занимали важноє місто у його житю. Золоті рукы Ивана Фōтула творили непōвтōрні творы умільства, кōтрі сōкōтят ся до днись и гōвōрят за його талант и майстерство. Секретар Русинського літературно-културного общества Мигаль Чикивдя Образчик выд Миколы Поцко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
