МИХАЙЛЯ
Днись, 21 новембра 2023 года, православнї (за юліянськым календарьом) выдзначавут собор архистратига Михаїла. Руснакы кличут исе сято Михайля, авадь Мигалӯв динь.
На теритōрії краю дуже ся честує сись праздник. Про його важнōсть указувут нам мнōгі храмы названї на чисть архангела Михаїла.
Уже через тыждинь ся зачне Рождественный пӯст, тōму у исе сято принято было чинити файнї гостины, особенно подавати мясноє їдїня, бо пак до Рождества треба ся буде воздержати.
Георгій Жаткович у "Етнографическому очерку угро-русских" пише, ож на Михайля, такый знаменитый динь, ги на Митря, авадь на Юря. Кидь на Михайля ясно, на другый рӯк много сїна буде, а кидь хмарно, лїто студеноє и мокроє буде."Кидь Мигаль закує, Микула рōзкує".
Є ищи читаво віщунӯй погоды на исе сято. Приміром, кидь на Михайля рано паде мокрый снїг, тоды ярь буде мокра; кидь у динь ясно, та скоро будут морозы; Кидь ударали заморозкы – зима буде снїжна.
Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
