Кобы файно у нас лляло, Най бы падало ни мало. Вбы земля ся промочи́ла, Выд водичкы зась ожи́ла. Тоды грибы ся бы верли, И на динь бы ся ни спе́рли. А росли бы дуже скоро, По хаща́х, усяды, много! Червенинькі - березōві, В хамнико́ви и букōві. Мы бы ранинько устали, Вбы нас дōвго ни чикали. Та у ташку, вадь кошар, Клали бы карпатськый дар. Всї гранкы́ бы убходили, Грибикы дōмӯв носили. Най бы падало ни мало, Вбы ся тӯлько ни чика́ло. Най урōдят вже грибо́чкы, Гōлуб`інкы, білі й кво́чкы. Автор: М.Чикивдя 10 августа 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.