Русинский поэт М. Чикивдя «Суш прийшла – вода пропала, йсе біда у нас настала. Де воды си начиряти…»

Русинский поэт М. Чикивдя «Суш прийшла – вода пропала, йсе біда у нас настала. Де воды си начиряти…»

Суш прийшла - вода пропала,
Йсе біда у нас настала.
Де воды си начиряти?
Яли зворы высыхати.

У колōдязях водиця -
Мало, на динци слызиця.
А з рікы - ни мож ї пити,
Мож ищи ся утровити.

Ріку, пōтӯк - зачищати,
Убы вōду чисту мати!
Ни дай Боже, хуже стане,
Бо припікат, ги выд гране.

Треба вōду сокотити,
Бо пак дале як нам жити?
Пошти всьо повысыхало,
Сього рōку сяк ся стало.

Выд біды ся сий ни дїти,
Вшиткым треба рōзуміти.
За исе'м писав давно...
Най ни буде всьым єдно.

Йсе, видав, Госпōдня кара,
Ож иде до нас Сахара.
Сяка суш типирь настала,
Вбы ся чилядь пōміняла.

Вбы сьме знали, ож водиця,
Ги про пчолы, вто косиця.
Дōкі пӯдло май ни стало,
Всьо міняйме, часу мало.

Автор: М. Чикивдя 29 июля 2022 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Left Menu Icon