РУСНАЦЬКА ДŌЛЯ Видав, сяка в русинӯв дōля, Ци маєме кого сь винити? Убы си дома дашто мати, Та мусиме у світ ходити. Куды лиш путь нас ни вела, И де руснакы лиш ни были! Ни раз, коли сь, нам прадїды, Через Атлантику приплыли. У Пенсїльванії, там наші, Трудили в шахтах й по заводах. Через рокы, кōй заробили - На шіфу й гет, по морськых водах У Бельґію ци мало йшли? По шахтах, угля там копали. Пак лиш кōпіку до кōпікы, Й пішко'м ся гет, дōмӯв, вертали. И на Мадярщину, в долину, Убы якусь кōпіку мати. Ни раз ся чилядь избирала, Там было там ушиткым жати. А пак усяды по стрōйках, Й на Сівер, хащу убаляти. Ни раз'им чув за бурак`ы, Ож як ходили їх копати. По всьōму світу, коли де... Сяка тото руснацька дōля! Но фурт ся вернеме туды, Де хыжа нам, дарабчик пōля... Автор: М.Чикивдя 20.V. 2022
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.