СМИСЛ ЖИТЯ Де так шатуєш! На секунду стань. Побзе́рай в о́блак. Што там видіш в рамі? Айбо побзе́рай не лем просто так, а так, кібу-сь читав меже шора́мі. Што видіш там? Ці видіш чудосвіт? В суґôлї правуй ᅳ першій цвіт на дри́ві. А в лівуй ᅳ растіку білинькій-білій цвіт. А за путьôв, на дальнуй перспективі ᅳ шіковній пôтучо́к у ву́льхох ся сховав. А гет ôнь там… на планї заднюм са́мум ᅳ гурський хребет пуд небо ся пудклав, собôв із небом завершивші панораму. Не глєдай смисл житя ᅳ ніє путя ані єдно́го, жебу в’юв до нього. Ти вже го маш. То є само́й житя. То й є тот смисл даро́ваній ті Богом. Автор: Михайло Митровка
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведени, Михайло Митровка в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.