Я радый
Я радый коли сонце світит в нибі,
Кой зеленїєся уся кругом природа,
Коли косиці красні всяды квітнут,
Коли безхмарна сонячна погода.
Я радый кой ся люди розумівут
Межи собов без ненависти й злобы.
Я радый кой в садови садовина вся доспіват
Й кругом усяды лиш добро ся робит.
Я радый коли вшыткы дїти счастні
И в низависимости од народности любої
Коли всі люди над житьом си властні
Й живут єден из одным у любові.
Я радый кой зацяпкат теплый дощик,
Кой потятко заспіват у корчови,
Я радый йти через подвісный мостик,
Айбо ни радувуся я людському злови.
Я радый кой у полю колосится
Пшеничка из котрої буде хлібчик,
Я радый кой розкрыватся косиця,
Я радый коли дує легкый теплый вітрик.
Я радый кой білинькі в нибі хмары
Указувут ми «образы» смішнї
Я радый кой звірята в милуй парі
По хащи ходят в помежи дерев тінї.
Я радый, — просто радувуся жизни —
Я просто люблю всих людий кругом.
Ни никаву я на народності йз расизмом, —
Всі люди є для ня єднакі но а Зимля — наш общый дом.
Віктор Келемен
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения: Виктор Келемен, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
