ЧŌМУ НИ МОЖ ЗЕЛИНЇ ЯБЛЫКА ЇСТИ?
Ни раз так было, ож у літї, кōй достигат білый налив, та ворох дїти ся збере пиля яблӯнкы. Берут тычку, та номай яблыка убаляти. А кидь вітер быв, авадь туча, вобще добре, бо доста їх на землю попаде. А тото дїтям май добре. Назбиравут си пōвнї жминї, та номай їсти.
Айбо нитко ни чекат, коли тоты яблыка достигнут. Нич ся чикати ни хоче, кидь так бы ся уже хōтїло изїсти смачноє яблычко. Ни спират дїти, ож яблыка ищи зелинї, дуже кваснї. Їдят ся у смак так, ги достиглі.
За тото, кōй старшоє чилядня видїло, як дїти їли зелиняча, та фурт їх спирали. Казало ся: «Ни мож їсти зеленоє яблыко, бо корела вас изїсть». На самōму дїлі сяк казали, убы напудити дїтий. Инак наїдят ся нидостиглых яблок, а пак їх черева болят, а таблеток, ґомбичок выд того ни было.
Автор: М. ЧИКИВДЯ 23 июля 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
