ПОКРОВЫ Днись выдзначаєме єдно из май великых християнськых сят – Динь Покровы Присятōй Богородицї. В нарōдї ся каже Покровы, Покрова. У руснакӯв сято асоцїйовало ся из кӯнцьом тяжкых рōбӯт и зачатком вечорниць тай свальбӯв. Давно чилядь вірила, ож днись ōсїнь стрічат ся из зимōв. Исе сято є важным орієнтиром дїля ґаздованя руснакӯв. По Покровах уже буде студїнь, из каждым дньом фурт заморозкы, а пак и морозы. Завто ищи до сього великого сята, люди ся старали забрати ся з пōля, зобрати вшиткый урожай. Днешным сято'м мали ся кӯнчити вшиткі польові роботы, яблыка, грезно чилядь старала ся пӯрвати. По Покровах уже переставали гнати худōбу на тōлōку. Кӯнчали ся роботы по пōлях тай на опшарю, зачинав ся веселый свальбовый сезон. Выд днись ся зачинали ни лише вечорницї, на якых май часто лущили струча, ай и сватанкы тай свальбы. Давно рідко коли была свальба у яри тай літї, бо было много талантованя. Ōнь до гōвіня зачинав ся типирь сезон свальбованя, бо з роботами ся чилядь зашорила, та уже быв час на гостины, а кидь май точно на сватанкы, заручины тай свальбы. Много молодят хōтіли справляти свальбу на Покровы, бо вірили, ож кидь свальба буде на йсе сято, та будут житии в достатку тай усе ся рōзуміти. Много є прикмет на сято: кидь на Покровы вітряно, та ярь буде вітряна; на Покровы до пōлудне ōсїнь, а попōлудню зима; яка погода на Покровы, така й зима буде. Віщовало ся и на свальбы, ги приміром, кидь на свальбу, на Покровы паде снїг, та живот у молодят буде серенчливый. Кидь на Покровы сильный віхор, та много ся пар побере. Автор: М.Чикивдя 14 октября 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
