Што было давно, тото ся ни верне, Світ через нас ся уже ни розверне. Як было, так было, хыба споминати, Живот типирішньый бы ити муровати. Тым што прӯйшло, уже жити ни будеш, Хōть ясно, ож точно тото ни забудеш. Як было до адде, ōто ся минуло, Кобы ся на дале нам файно ся чуло. Ткось ся упстав, айбо датко, ги тїнь, Чим лиш туй тьма, тай ни є їх. Амінь! А было їх доста, кōй сонце світило, Ни так усьо просто, ги часто ся снило. Но хыбы ни є. Час жити нас тручат. Дны поскакали, ги з струча ся сучат. Єдно лиш ни знати, што дале нас чекат, Каждый надїю на будучнōсть плекат. А нашто жаліти, єдно лиш желати - Назад ся вернути, убы што сь міняти. Што было - істōрія, а дальше - живот, Кобы ни прошляпити лиш свӯй поворот. Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
