Пятниця у нас Русальна, Кажут вто не просто динь. Дись у хащи чути бубен, Дись-не-дись бряжчит огинь. Кажут град побив усьо быв, Сього дне, колись, давно. Чилядь думат - тото нечисть, Из бідōв прийшла в село. Та завто днись до роботы, До тяжкōй, ся не берут. Пак ся стимнїє, та другі, Пō дїлах нӯчных идут. Будут травы си збирати, Всяку зилїнь, што лиш є. До лиш си село задримле, Балаґан ся хащōв ллє. Закі спит кōгут тай сонце, Доты всякі в них дїла. Та най дїют што лиш хōтят, Кидь не дӯйдут до села. Чилядь ся до сна парує - Вни провōдят ретуал. Пак ся на шабаш изберут, Вадь, по днешнōму, на бал. А мы варуйме ся сього, Най си брōдят з пōля й вод. Може йсе усьо неправда, Но сяк вірує народ. Автор: Мигаль Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
