Пӯдкарпатя має читаво давных монастырӯв. Май перві из них Грушōвськый, Угольськый тай Мукачӯвськый. Типирь Пӯдкарпатя часто называют «другым Афоном», через великоє число сятых монастырӯв тай храмӯв.
Нынї маву дяку, за каждый монастырь, подавати інформацію из давных записӯв. Тото історичнї данї, кōтрі были записанї й поданї, у місных літописах, часописах, книжках и тд. Хосенно тото буде діля нашого народу, убы знали істōрію нашых сятынь. Треба рōзуміти, ож у много записӯв ся траплят и публіцистичного характеру, но и у них найдеме много чого інтересного.
Днись буде запис монастырь у селі Забрōдь. Колись исе село было присїлком Драгова, тōму монастырь, у записах, называє ся Драгōвськый. Текст подаву в ориґіналї. Исе публікація Корнилія Шафранковича за записами ієромонаха Іоанникія Скрипа 1756 рōку. Ōна ōпублікована у літературнӯй ґазетї Общества Св. Василія Великого “Свѣт” 21 фебруара 1869 рōку.
О МОНАСТЫРѢ ДРАГОВСКОМЪ Kövesligetв въ М а р а м о р о ш ѣ (По записах іеромонаха Іоанникія Скрипа 1756 г.)
«Сей монастырь почался року 1705., мѣсто подъ церков и обитель немешѣ (дворяне) Драгувскы посполите дали, понеже тое мѣсто было Стефана Рѣшко, за которое ему дали другое у селѣ, токмо абы выпустилъ для монастыря.
Ортовали на немъ много, якъ повѣдають, но небыло нашто ся лакомити, понеже цѣлый вертеп под-дѣлами, хотарь планцый (плохой), церковъ стоитъ деревяна, стара и не велика, образами худобно украшена, престол деревяный, на немъ антимисъ теразнѣшого (нынѣшняго) Господина епископа, креста деревяны числомъ 2, гробница точена помалована, свѣтичи цѣновы 2, звоны 2, красны невеликѣ; книги до хору суть, якоже: евангеліе, служебникъ вел. Трефелой, тріоди обѣ, охтоихъ 1, псалтыръ, требник 1., а другій у манастыри Уголскомъ и една псалтыръ тамже. Книгъ учителныхъ нѣсть. Фелонъ 1, полгадвабный, просты 4, а 2 у селѣ Драговѣ, Епитрахлѣ 5, нараквиць паръ 6, стихарѣ 3, и ораръ діаконскій 1, а друга у церкви Драгувской, а третя у манастыри Уголскомъ, зо всѣмъ цѣновы. Аеръ добрый изъ вовдушками, а литоны нѣсть, губка есть. Землѣ есть подъ 24 коблы по Дѣлахъ но гноити треба, косити такожде по дѣлахъ можетъ и на (100) возовъ. При манастыри есть лазъ за 34 золоты подъ товъ кондиціевъ, аще манастырь небудетъ стояти, панъ или потомкы его, кромѣ гроши возмутъ назадъ.
«Листы сего мѣста суть у пана Феодора Рѣшко печатію нашою запечатанны до далшей диспозиціи. – Млинъ есть манастырскій 1, симъ часом е у манастыри газда Іоанъ Глонциръ, который отъ пана державнаго (помѣщика?) за манастырскы золоты 20 откупленый. Законника жадного нѣсть, якоже и нетреба, понеже пѣсть нашто, подданый есть 1, изъ 4 хлопцями, который за нѣякое прегѣшеніе самся поддалъ.
«Хыжа 1, въ которой газда зостаетъ, а друга келійка надъ Брановъ, въ которой небощик Годермарскій Прокопій на той часъ Вѣкарій Мараморыскій пребывалъ.
«Теншерицѣ теперь посѣяно вѣко 1, овса коблы 2, бобу пол-вѣка, волы 2, коровы 3, телята 2, конь 1, овецъ стрижокъ 10, а ярок 6, коз 16, козарь есть манастырскій. Но и тое строятся забрати за долгы газды Діякона».
Сообщилъ: К о р н и л і й Ш а ф р а н к о в и ч ъ СВѢТ* Унгваръ дня 9-го (21.) февраля 1869. Число 6. ЛИТЕРАТУРНАЯ ГАЗЕТА, ИЗДАВАЕМАЯ ОБЩЕСТВОМЪ СВ. ВАСИЛІЯ ВЕЛИКАГО. УНГВАРЪ.
Автор: Мигаль Чикивдя 28 апреля 2022 год 21 мая 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
