Удкы ся взяла Няґувська постілла? Оріґінал «Поучень на Євангеліє» написаный у 1550. роках, айбо знаєме го лиш из двох пузнішых копій. Май упознавана няґувська копія – сяк ся называт по селови, де была в 1758. році переписана (Няґово – Добрянське коло Тячова). Май потум трафила до Мукачова, до манастыря с. Николая. Його игумен Анатолій Кралицькый передав рукопис російському славістови А. Петрову, тот го першый переписав и у 1914. році выдав. Ищи єдна копія была найдена у 1930. році у Текові коло Севлюша. Указало ся, ож из двох копій сеся май старша, переписана десь у 17. столітю. Попиля конзервативної няґувської копії у текувськуй видко дакотрі зміны, што ся злажуют из ӱкаючым боржавськым діалектом (у добу написаня оріґінала ӱканя щи не было). Подля зглядователя сеї копії Ґ. Ґеровського єї автор походив десь из Довжанського округа. На образчику видите поданый Ґеровськым лист из текувської копії. На жаль, есе єдина доступна часть – у 1944. році рукопис ищез без сліда. Автор: Мигаль Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
