Ни вірит ся... Пролитїв рӯк. А было всьо тото, ги вчора. Тоды ся видїло - став вік, Война иде, паскудна, хвора. Наш шок тоды ни передати, Литят ракеты, танкы бют. Єдні не знавут де утїкати, А другі перві крōв си ллют. Мы тоды думали - кониць, Усьо рахуйте вже пропало. Вже нич до ярьных нам косиць, Усьо кругом на містї стало. Айбо житя тручало жити, Якый ни быв бы тяжкый час. Мы потягли ся што сь робити, Вōйна в краю ни ймила нас. Но мы ся з крайкы ни лишили, А тко чим годен помагав. Ищи до вōйны сьме си жили, Лиш пак нам инше Гōспōдь дав. Страшнї тривогы серед ночи, Без світла были сьме ни раз. Но йтак ни видїли нам очи, Што видїв вōїн, без прикрас. А кӯлько много ся узнало... Што мирный час бы ни навчив. Многым житя ся поламало, Блаженна памнять, тко спочив. Автор: М.Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
