Русинский поэт И. Петровций «Играться, гикой лоша, розгамулена душа – дниська я ни геверуву: Мечу лосы – голосуву…»

Русинский поэт И. Петровций «Играться, гикой лоша, розгамулена душа – дниська я ни геверуву: Мечу лосы – голосуву…»

СПÜВАНКА ГОЛОСОВАЛНА

Играться, гикой лоша,
Розгамулена душа –
Дниська я ни геверуву:
Мечу лосы – голосуву.

Раз ни мош ми за русинüв –
Мечу лосы за Вкрайину.
А за што я мечу лосы?
Ци за вто, ош хожу босый

По твердüв унгварськüв ярдї?
Тай ни я туй в авангардї:
Днись бідак на Пüдкарпатю
Носить брежнєвські щи гатї,

А топанкы уд Хрущова,
Лем ідеї – вд Горбачова.
Уд Украйины – законы,
За якыми – заборона

Быти русином русину –
Мечме лосы за Вкрайину!..
За тоту, што принесла нам
Чорнобыльськый вбивчый атом.

Там,де были пасовища,
Начинили нам литїща,
И з катунськых єропланüв
Сыплють на нас каждый рано

Чемерицю, паскудоту,
Обы здохла вся жеброта,
Обы щезла чилядь місна,
Вбы туй вкрайинцям ни тїсно…

Вбы йим в горах было – "краще" –
Урубали наші хащі.
З Кыйова женуть готовых
Прокурорüв и бировüв:

Всї міста руководящі
Позаймали приходящі.
И лем люде чесні наші
Вкрайинцям ни пудходящі:

Верли на нас страшну кару –
Тынятися за гатаром,
Й там глядати дараб хлїба
Докü нас ни взьме галиба…

Што щи мош аттуй казати?! –
Люди! Йдїм голосoвати
Лем за вто, вбы вд сиї днины
Вкрайиниць жив на Вкрайинї!

Но, а край наш Пüдкарпацькый
Вбы навхтема быв руснацькый!

Автор: Иван Петровций

Вместе с вами мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать гиперактивную ссылку на источник https://rusinskiimir.ru/  и автора Иван Петровций, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Left Menu Icon