Русинская поэтесса Леся Адамова Стецович «Сріберні звізды в яфино́вум небі, насіє Вечур днесь усе́рдніше, ги все́. Засвітить файно красный Місяць-ле́ґінь…»

Русинская поэтесса Леся Адамова Стецович «Сріберні звізды в яфино́вум небі, насіє Вечур днесь усе́рдніше, ги все́. Засвітить файно красный Місяць-ле́ґінь…»

ХРИСТОС РОЖДАЄ СЯ!

Сріберні звізды в яфино́вум небі
Насіє Вечур днесь усе́рдніше, ги все́.
Засвітить файно красный Місяць-ле́ґінь,
Єден день в році атсякоє нам несе.

Звізда май читавіша в небесах, май красша,
Обыйме свойим світлом цілый світ!
Наповнить ся префайностьов днесь чаша
З котрої челядь п'є любов вже много літ...

Старинька бабка в кухни си піхтолить,
Керичун з фанками спукуйно там пече́...
Ґаздынька на Вечирю штось фест творить,
Шіковно, най ї нитко не врече́.

Блистить ся огник - свічка запалена,
Неперестанно пламеніє чорный ґнот,
Усягды чисто й файно захарено...
А на торназі холодить ся з сушено́к компот.

А діточкы, як можуть помагавуть,
Бо пак колядовати буде час,
Ушиткі колядкы вни давні знавуть,
Бо колядувуть вже не перший раз...

Дванадцять страв днесь буде на столови
Пусных, бо в православных так.
Молитву зачати - припадать все ґаздови,
Бо вун ґаздувства й файты моцный знак!

У хыжци духи ангелув незримых
Учинять теплу, добру благодать,
Изберуть у рокаш людий любимых,
У душах файно й иппно захарять...

Най людяность в серцях пробудить
Малый Исусик, што ся вродить днесь,
Иззясь най совість наобрівуть люди -
Їх думати заставить Вечур сесь...

Нас сохрани наш Господи ласкавый,
Од бід шлиякых, пошести и зла,
Бо вертепить безжалосно лукавый...
Най бы од нього милость Твоя нас спасла!

Автор: Леся Адамова Стецович pátek 6. ledna 2023 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Left Menu Icon