Снїжком село припороши́ло, Ги покрышив бы пінопласт. Уже, кидь чесно, застуди́ло, А небо темноє, ги раст. Полонина - молочна, біла, Палас укрыв ї снїговый. Без дрōв у нас ни буде дїла, Бо ґаз, клятый бы, дорогый. Сяка жура́ у зимну днину, Кобы ни было студино. Буди́т вже чилядь солонину, З гордова цїдит си вино. А звірка бавит ся у пряткы, У хащи пряче ся, лижи́т. И туй позираш - скоро сяткы, Бо час, сятив бы ся, литит. Тать та кобы сме в благодати, Тай сяткы были в гораздї. Та мож помалы зимовати, И дав бы Бог, лиш ни бідї. Автор: М.Чикивдя.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
