СТРІЧАЙТЕ, новый член Русинського літературно-културного общества (бывш. Сōюза русинськых писателюв Закарпатя): співачка Анна Кедик. Честованї цімборове, из радӯстьов представляєме нового члена Русинського літературно-културного общества, талантливу співачку Анну Кедик, котра годна зачаровати слухачӯв свōйōв непōвтōрнōв музикōв тай зачудовати душу глубинōв співаня. Анна - творчый подарок русинськōму нарōду. Ōна вже выднайшла пōпулярнӯсть дякуючи свōюй музичнӯй пристрасти тай таланту. Укōрінена у културі рӯдного нарōду, Анна Кедик вєдно си из сестрōв много раз выступала у Мадярщинї, в поселенях, де жиє русинська меншина. Їхнї выступы фурт были сяточными дїля карпатськых русинӯв Мадярщины, кōтрі все мают дяку учути автентичну русинську співанку. Кроме сього, фамілія Анны - исе правдиві музичнї таланты. Сестры Кедик, вєдно из дōнькōв Анны, зняли файнї кліпы на нарōднї русинські співанкы, де каждый кадр перепōвідат істōрії про живот, традиції тай наслїдство русинського нарōду. Їхня музика тай відео впитали у сōбі дух минувшины, што переплітат ся из типирішньым часом, и стают цїнным жерелом узнаваня рӯднōй културы дїля молодого пōкōлїня. Талантлива співачка также выпустила пару дискӯв из великым числом русинськых співанок, кōтрі стали великōв радӯстьов дїля цїнитилюв русинськōй музикы. На їє альбомах мож учути усякі жанры тай стилі, кōтрі помагают сокотити тай пōпуляризовати безграничнōсть русинськōй културы. Характерный рисунок гōлōсу Анны Кедик - исе красна технїка, емоцїйноє звучаня тай можность донести до слухача в щиросердечности свойих выконань. Голос Анны - єден из немногых, котрый годен передати глубину русинськōй душі через співанку, выдтворити традиції нашого давного нарōду. Кажда нота, каждый звук - исе щиросердечнӯсть тай любōв до свoго кōріня. Знаву, што Анна Кедик має красну будучнōсть на музичнӯй сценї тай буде могти ищи май прославити русинську културу тай традиції. Єї талант, злагода з народными кōрінями тай безгранична любōв до музикы на точно лишат ся навхтема у сирдцях цїнитилюв русинського музичного наслїдства. Най ї голос фурт звучит дїля нас, й нагадує про величину културы нашых предкӯв. Из честованьом, Мигаль Чикивдя
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
