Як давно на сӯль ходили, Уже чилядь не тямит. Лиш ся догадят, што чули, Тко ходив - навхтема спит. Пять людий ся ворошили, Каждый си запряг вола. Сяк ся ворохом держали, Вбы біда їх не найшла. Из Гōрішньої Боржавы, У Шандрово дōвга путь. Рано бы, до дне, рушати, До лиш вӯз 'д волови труть. Склали їдіня у тōрбу, Сїна верли си волам. Та помалы у дōрōгу, Йшли руснакы по дїлам. Через цїлый Мараморош: Хащōв, селами, путьом. Скоро бы ропы чиратяти, Буде доста ї й пятьом. У Шандрōві быв кōлōдязь, Там чиряли си рōпу. Бо тко чисту сӯль там дасть ти? Вшитка была у хōду. Рōпу чилядь пак варила, Убы з ниї была сӯль. Типирь йсе ся й ни споминат, Ги бы спомин йзїла мӯль. Мараморош - чōрнї горы, Й білōй соли давный край. До лиш чиляди руснацькӯй З сӯльов было тяжко май... Автор: М.Чикивдя 9 юлія 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
