ЛЮБŌВ У НАШЫХ СПŪВАНКАХ.
Мы, карпатські русины, маєме ся чим гордити. Приміром, нашым дуже богатым, прекрасным фольклором. Кидь ся руняти из другыми народами, та ми ни дали світови ипен так читаво славных людий, айбо нашым унікальным традиціям, обрядам, фольклору – аналōгūв, видав, ни є.
Фото. Гусляши Русинские на свадьбе, наше время. Русинский Мир.
Узьму наші спūванкы. Кūлько читаво у них є філосōфії, мудрости, веселōщūв и нашого руснацького живота. У єднōму куплетови годна ся нарушити люба родинна, сōціальна, любōвна, ци якась инака тема. И исе май важно, што лиш годно быти. Велика ціннōсть, великоє богатство!
Зачну из любōвнōй тематикы.
Фото. Берко Пал игра на лещине. Русинский Мир.
Узяв бы м тя, біла дïвко,
Сōбі за ґаздыню,
Та ōбы сь ми ни зробила
Из хыжі пустыню.
Куплет мож выднести и до родиннōй тематикы. Туй видна тематика, ож лиґінь сумнїват ся брати таку дївку, через кōтру, на опшарю годна ся стати розруха.
Фото. Ваврушек, Чардаш на Русинской свадьбе. Русинский Мир.
Коли мы ся двоє любили,
Сухі дубы цвіли,
А коли сме ся полишили,
Та й сырі зогнили.
Туй файно мож пōруняти, чуство великōй любови, и тоды, кōй ōна пропадат.
Наведу на примір ищи пару куплетūв.
Фото. Берко Пал Русинская свадьба в горах Карпатах. Русинский Мир.
Любив им тя, біла дївко,
Чотыри нидїлі.
Ты казала, ож я чорный –
Най тя люблят білі!
Любив им тя, біла дївко,
Любив им тя, любив.
З высōкōї полонины,
Камінь бы тя убив.
Фото. Берко Пал молодые Русины идут за невестой с кураговльов и поют коломыйки. Русинский Мир.
Самый буду кūля бити,
Самый городити,
Самый буду до дївчины
Помалы ходити.
Любив им тя, біла дївко,
Так, ги свōю душу,
Но через твūй дурный рōзум,
Лишити тя мушу.
Ой плесну у долони,
Вбы ся розкололи.
Я тя, рыбко, ни полишу,
Хыба ни по воли.
Фото. Русин играет. Русинский Мир.
Сякых спūванок у нас дуже читаво и ни ганьба іх слухати тай спūвати. Ōни ни мавут звучати лише на свальбах. У СТО раз май ліпші выд днешной балеґы, де ся спūват за наркотикы, курвōту и инше подобноє.
автор: М.Чикивдя.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).
Все верно! Нельзя забывать свои традиции. Надо помнить и передавать молодому поколению