В ЄДНОСТИ З ПРИРОДОВ В синюм небі білі хмары, сонце бавиться з теплом. Ни сидів бы штось я дома, в ліс ся рушу, за село. Назбираву рьуща в хащи, ясный огинь розкладу. Душу й тіло изогріву, дам субі розраду. Уйму крумплі, солонину, хліб, цибулю з ташкы. На простелену газету, укладу всьо з фляшков. Пуйду уріжу рожны, в яркови з ліщины. Блиск одобйєся росы, у тисьмі павутиня. В потучку вода тече, пополючи рукы. У огньови трісконить, кругом потят чути. У грань вержу крумпильок, спечу солонину. Прийшов шор на трапезу, май точно гостину. Наллю паленкы погарчик, вдчуву щастя й волю. Крумплю печену розломлю, й піціцько посолю. Розум муй ся збаламутить, вхоплю воздух в груди. Но, кажіть, што на природі, файно быти люди! Цінуйме природу нашу, любім її, ги матірь. Ни паскудьме, сокотім, жийме в благодати! Автор: Dyula Csólent
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Dyula Csólent в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
