ПАН ТУЛІПАН Ба як ся маєш, пане Туліпане? На клумбі зараз ты и бог, и царь, Не завтра ще ти голова зов’яне, Теплом и світлом стрітила тя ярь. Не екзотичний ты, ги орхідея И не пахлючий, гибы гіацинт, Cохташ прямий, а не як у плебея - Покрýчений в узлы, ги лабіринт. Не прячеш ты ся у траві зеленуй, А вольно й горделиво ты стоиш, Лиш нáнуч схылиш голову черлену И спиш. А рано, коли Сонце тя досягне Перстами золотыми из небес, То тінь уд тебе недалеко лягне, Така тонка, ги талії в принцес. Кидь кось тя в вазу из водов поклáде, Зорвавши гет з рудної землі, То дуже скоро вся краса пропаде, И пелюсткы ти ляжут на столі. Недовгий вік у пана Туліпана, Без кОріня ун мало проживе… Красуєся до вечера уд рана, И най його нітко в тот час не рве! Автор: Михайло Чухран
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ Михаил Чухран, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.