Однокласниця
Тебе-м не видів доста много году,
Вже в памняти-сь упала на денце,
А вчора меже множества народу
Зыйшов-им ся з тобов лице в лице.
Колись давно любив-им тя не задарь -
Ты й зараз щи и файна й весела,
То я типирь тяжкый солідный дядя
Щи й кучері утекли з-над чола.
И в тебе діти и у мене діти,
Як мы в тот час – дурні тай молоді,
А што не наші – шкода вже жаліти,
Дожившы до сідин у бороді.
За час довготривалої розлукы
Змінився, правді быти, наш сохташ :
Так, ги давно, не розпускаю рукы,
Хоть ты за йсе по пыску вже не даш!
Автор: Михаил Чухран
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ Михаил Чухран, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
