КОНДАШ Сло́во є у нас конда́ш, Што́ то? Най ’му анція́ш! Нись за нього всі заби́ли, Так лем да́вно говори́ли. Ко тями́ть, што то конда́ш? То не хво́рий гертика́ш. Вун пасти́рь бов у селі́, Закляли́ ’го мацкалі́. Конда́ш, бра́тте, не бовта́ш, Йому сви́нча не прода́ш. За свіня́ми вун ходи́в, Гі діти́, їх сокоти́в. Што робив у нас конда́ш? Вун не пря́в, не бив полла́ш. Ка́ждий день сві́ні гони́в, З ними му́дро говори́в. Ви́дить каждий, ко конда́ш? Тот не че́кать алдома́ш. В лісі сві́ні вун пасе́, З дуба жо́луді трясе́. Чим ся указа́в конда́ш? Збира́в сві́ні у рока́ш. Межи ни́ма па́ном бо́в, Годова́в, пойи́в водо́в. Про свини́ любив конда́ш Загусти́, та гі дуда́ш, Би худо́ба дя́ку ма́ла, Солони́нку би яза́ла. На село́ бов свуй конда́ш – Три́мався єде́н сохта́ш. Кала́п, та́йстра і біґа́рь: Конда́ш – пан, а не линґа́рь. “Конда́ш – ґровф”, – на збит казали, Сви́нським па́ном прозива́ли. Конда́ш сві́ні гони́в па́сти, Мав із то́го відро ма́сти. Конда́ш, хло́пе, не крумпля́ш, Ізі́сть шо́вдарь, кіть му да́ш. Вун на бе́тон не ряньдя́ш, Кіть не ро́бить – пензія́ш. Автор: Володимир Рошко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на автора; Володимир Рошко https://rusinskiimir.ru/ в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
