Єден из попōлярных стихӯв вчорашного іменинника Володимира Рошка ЧОРНЫЙ КАВІЛЬ За Пана, я не годен дôвго спати, Не од страху роботу просвистати. Щи’м вôчі ани пролупив, Уже бы’м чорный кавіль пив. Блаженства ліпшого не знаву, За кавіль думаву, його жадаву. Бы чорный бôв, такоє гі смола, Муцный – бы вôчі лізли із чола. Вун пахне так, вонь до сусіду чути, А ко не вірує, тот може ся іззути. Смакує кавіль ми горячий і студеный, Гурький, солодкий і недоцукреный. Із кавільом я зачинаву динь, Про мене вун, гі бензін у угинь. Ізась ся кавіль п’є сперед роботы, Бо силу у руках дає, вонь до німоты. До вечера я прумкну їх ще шість ци сім, І нич ми не хібить – се видко вам усім. Од кавіля ня не трясе і серце вон не скаче, Най лакомиться тот, ко ’го не п’є, най плаче. Я кавіль чорный люблю, вонь ня морить, А дохтор, што вун чкодить, най говорить. Я кавіль смачно сербаву, од нього радôсть маву, Хôснує вун мені – сесе на бетон знаву. Про мене чорный кавіль – то сятоє, І де бы’м ’го не пив, усяды ми смачноє. Од цицьки я на чорный кавіль звык, На нього дяку маву, гі на кôрôву бык. Вун ми ся снить, я п’ю го щи й у снови, Про мене чорный кавіль, та гі кустка псови. Одкажуся од фриштика, полудинка, вечері, Без кавілю ми не штімує, гі без фурґіты двері. Автор: Володимир Рошко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать автора; Володимир Рошкоhttps://rusinskiimir.ru/ в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.