ПЕКНИЦЯ Дя́ку ма́ву на пекни́цю, Та гі бі́ка на тели́цю. Так ізі́сти ’ю корти́ть, Вôнь пічу́нка ня боли́ть. Сли́на ця́пкать ми із ро́та, Бо пекни́ця – то добро́та. Чесно́к чу́ти, закуре́на, Смак боже́ственный, соле́на. Ву́схне, мош сы́ру ізі́сти, І не му́сай за стул сі́сти. Кіть попра́жиш – удурі́єш, Як промы́каш, вôнь шалі́єш. И́стина русна́цька стра́ва, В Кра́ю за ню хо́дить сла́ва. Бо здорốвля нам дару́є, Леґіньо́м русна́к ся чу́є. Зві́рьську си́лу та пробу́джять, Што дако́ли нас вôнь пу́джять. Лем на ся́тки мы пекни́цю, Та гі тру́ська комони́цю, Ду́же сма́чно ізіме́. А од нюй убалиме́, Мы пога́рчик сливови́чки. Ніє́ кра́шшôї пути́чки, Про рôбу́тного русна́ка. Лем ту́ды пали́ть ’го дя́ка, Гі муря́нґа – так роби́ти, Бы ’му фа́йта го́нна жы́ти. Зму́чився і нароби́вся, Русна́к ї́сти налади́вся. Дара́б хлі́ба і пекни́ця, Гі про хло́па молоди́ця. А од тốму ще й цібу́лька, Се гі жы́дови – марму́лька. Як прожи́є наш русна́к, Без пекні́ці, небора́к? Автор: Володимир Рошко
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на автора; Володимир Рошко https://rusinskiimir.ru/ в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
