ИВАН ФІРЦАК - КРОТОН Фірцак - Кротон - бов фаттю, Або ИВАН Сила. Де його лиш за живот, Біда ни носила... И у Чихії ун бов, Бов и в Амеріці, "Русин" - стояла запись в нього, У його митриці... В селі Білкы - з Иршавщины, Ун коріння має... И за сього чоловіка Світ ушиткый знає... Гнув ун гвозды, тай пудковы, Гикой циган бляху, Пятьох нараз муг покласти, Из єнного маху. В Испаниі - на корриді, Муг быком так вергти, Що обсталося из того Лише кожу здерти. Английська Королева попросила З Джексоном ся бити, Змуг Иван з єнного маху Груди му пробити. Королеві онь ни добре, Подаркы зобрала: Пояс й шльом у бріліантах Иванови дала. В Аміріці "Форд" - Ивану Подарив машину... Вшиткі на вто позирали, Й промыкали слину... Нитко в світі ни бізовав З Иваном ся метати, Вбы пак дале по арені, Кустя ни збирати... Тямку майме мы за своє, За свойих гирою... Всі "супермены" - коло Йвана, Вто лиш куча гною... Автор: Василь Попик23 08 2018 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Василь Попик в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
