Красный стих выд Василя Попика НАЩАДКАМ Серус, серус муй Нащадку, Як типирькы жиєте? На Земли Нашуй Срібернуй - Бесіду, ци тямите? Ци хащі ся щи зустали? Ци є в зворині вода? Ци ще молите ся Богу, Куй в Вас радусть, вать біда? Як там наші Полонины: Вуці, ба ци щи пасут? Вучарі в осінью днину - Вурду й брынзу, ци несут? Ци збираєте - барвінок, Перед свальбов у селі? Й ци вінчают ся у Церкви - Ваші пары молоді? Як там дома, на ґаздустві: В хліві худоба ци жиє? Свинчатко авать корову, Дако з Вас ци впознає? Ци щи косите - сотины? Ци всьо ґозом поросло? А може в варош ся зобрали, Тай забыли за село... Як гробы на теметові? (де "спочиват" Старшина) Ци там файно похарено? Ци є свічка хуть єнна? Тяміт коріня (каждый своє), Живот прожити не спішіт! И Старшину, што вже спочила, В молитві вичур - Помьяніт... Автор: Василь Попик
Вместе с вами мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ и автора произведения Василь Попик, в иных случаях будем обращаться в соответствующие инстанции (админам соц.сетей, и Суд).