Русинские традиции с Михаилом Чикивдя. Молодой краевед и будущий историк Михаил Чикивдя, рассказывает о приготовлении теста и выпечке хлеба в Подкарпатской Руси. Очень интересно.

Русинские традиции с Михаилом Чикивдя. Молодой краевед и будущий историк Михаил Чикивдя, рассказывает о приготовлении теста и выпечке хлеба в Подкарпатской Руси. Очень интересно.

ХЛІБ.


Выд малого ня учили, ож хліб треба сокотити. Но тай ясно, ож приучовали ня усьо їсти из хлібом.Кōй ся їсть, та ни мож го лишати, а треба дōїдати. Ни слōбудно го митати тай крыхōтя, из стола, рукōв згрібати.

Што ся лишит, та дасть ся худōбі, но ни мож му дасти пропасти, пōпліснїти.Нараз видко, ож у живōтї руснакӯв, хліб занимат важноє місто. Ни кажу уже за керечун тай паску, из котрыми маєме читаво обрядӯв тай звыкӯв.
Много раз’им чув выд старōй чиляди, ож чōлōвік, по правдї, лиш доты щасливый, кōй сытый тай у теплі є.

Лиш ни усе, тай ни усї были сыті давно.

Што типирь, пӯдеш у любый бōвт та хліб купиш. Ни лише хліб, а и булкы, бубликы, кнедликы и много иншого. Кобы лиш грōші были. А давно фактично пекли го у каждӯй хыжи, лиш ни білый, на котрый сме так привыкли.
Мука на простый, каждоденный хліб была кіндеричана.

Печи хліба си из білōй мукы у Березниках простый люд и ни думав, бо была біднота. Проблемōв было найти білу ( пшеничну муку) на керечун, а пак на паскы.

А як го пекли?

Брали муку, добавляли теплōй воды, а дале чикали, ōбы накысло. Из хліба лишали квас, ōбы было з чого печи у другый рас. За сим, на лопаті, клали го у піч. Через якыйсь час, грань выгрібали набӯк, позирали ци загнітив ся.


Мож пувісти, ож фурт ся їв черствый хліб, бо ни слōбӯдно было їсти свіжый, кидь ся ищи старый ни дōїв. А пік ся хліб усе из запасом, пару типшӯв, тōму свіжый устигав почирствіти.
Но кроме того, давно пекли файнкы, закручованцї из ōріхами.

Дуже часто й палинята на шпōрі.

Усьо, што мож было, тото ся робило и пекло ся дома.
Тай типирь, хōть ся уже не пече у печи, авадь шпōрі, айбо итак домашный хліб ся пōлучат дуже смачный тай мнягкый, ги булка. Испече ся пару типшӯв, та на якыйсь час є.

Усе люблю си урізати дараб, їсти го тай запивати молоком. Тай як ня давно навчили, ож хліб треба сокотити, честовати, так буду й робити до кӯнця живота.

Дїтōчі спомины М.Чикивдя : 3. децембра 2021 р.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).

Комментарий “Русинские традиции с Михаилом Чикивдя. Молодой краевед и будущий историк Михаил Чикивдя, рассказывает о приготовлении теста и выпечке хлеба в Подкарпатской Руси. Очень интересно.

Comments are closed.

Left Menu Icon