Русинские колядки с Аней Цірик. Ой рано, рано-наш пан ґазда встав, Ой дай, Боже…

Русинские колядки с Аней Цірик. Ой рано, рано-наш пан ґазда встав, Ой дай, Боже…

Дуже стара колядка, яку мене навчила моя тютка Опріш(ЦІРИК) Василина М. Її колядовали леґіні свойим дівкам давно.  Ныні про ниї забыли.

ТРИ ДАРЫ.

Ой рано, рано-наш пан ґазда встав,
Ой дай, Боже.
Наш пан ґазда встав, три свічкы сукав,
Ой дай, Боже.
Три свічкы сукав, слугове збужав,
Ой дай, Боже.
Встаньте, вставайте, мої слугове,
Ой дай, Боже.

Встаньте, вставайте, коні сідлайте,
Ой дай Боже.
Коні сідлайте-дгорі ступайте,
Ой дай Боже.
Дгорі ступайте-дары чикайте,
Ой дай, Боже.
Там  вынисут вам- три красні дары,
Ой дай, Боже.

Що первым даром-злато і срібло,
Ой дай, Боже.
Тот дар не беріт-а другый іждіт,
Ой дай, Боже.
А другым даром-дорогі шовка,
Ой дай, Боже.
І то не беріт-а тритій іждіт,
Ой дай, Боже.

Та выведут вам-красну дівицю,
Ой дай, Боже.
Її вы биріт тай долу ідіт,
Ой дай, Боже.
Вінчуєме тя, красна дівонько,
Ой дай, Боже.
Вінчуєме тя, із твойов сімйов,
Ой дай, Боже.

Із твойов сімйов-молодшов систров,
Ой дай, Боже.
Вінчуєме тя, з няньком і мамков,
Ой дай, Боже.
З няньком і мамков, з вашов дітворов,
Ой дай, Боже.
Вінчуєме вас-з Сятым Рождеством,
Ой дай, Боже.

На дворі мороз-стояти ни мош.
Ой дай, Боже. 
Аш маєш дати-та клич до хаты,
Ой дай, Боже.
Та клич до хаты колядовати,
Ой дай, Боже.
Бы вам коляда добро принисла,
Ой дай, Боже.

Бесте жили всі в щасті й горазді,
Ой дай, Боже.
На многа году прийміт коляду,
Ой дай, Боже.

НАЙ БОГ ПОМАГАЄ СІ СЯТКЫ ПОПРОВАДИТИ, В ЩАСТЮ ЗДОРОВЛЮ ДРУГІ ДУЖДАТИ.

Слова і музика народні, записала АНЯ ЦІРИК 28.12.2021 г.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора Аня Цiрик, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.

Left Menu Icon