ЦЯТКА СВІТЛА Темно. Уключили світло, затих газовый котел. Єдно радує ми серце, што лишився в хыжи шпор. Трісконять дрыва у ньому, з пуд карікы світить огинь. Мерехтить у тінях плофон, світло удбиваться уд стін. Лампаш швабликом запалю, покладу серег стола. Видко в потемку ся стане - зрадує ми ся душа. Крумпильок на шпор наріжу, наллю в блюдятко олуй. Возьму хліба та нагрінчу, й чесночком пак натру усьый. Тепло в наряці тай світло, вичирька пахне смачна. А до неї лиш бизувно, скыплячу вина горня. Почитаву на нуч книжку, "Казкы Верховины". Сыта баба усне из мачков, захрапить в солодкум сні… Темно. Уключили світло, крыхта світла є й тепла. В темні часы добре видко - люди світлых здалека. Автор: Gyula Csólent
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения:Gyula Csólent, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.