У порядного ґазды, Файно скошені валы, Читаві, лежать за шо́ром, Сі ґабы з травичкы, скоро, Прийдуть діти розметати, Сіно будуть пак вбертати, Як їх сонічко просу́шить, В свою путь кой зрана рушить... Тне коса густі отавы, Падавуть на землю травы, Фрішный віхорь на них фукать, В двирі мало пак подуркать, В оболокы попозерать, Як ґаздынька діток зберать Вд Нянькови з мириндьов в вершка, Баникув там повна тепша, Вуйме з лекваром, теплинькый, Найде гатіжак малинькый, Молочка фляшча покладе, Ґаздик любить, буде радий, Што тямить за нього мила, Бо сама колись носила В поле му добрятину, В файну днину, не єдну... Пахне скошена травичка, Пилнує ся молодичка, Вд свому файному ґаздови, Вд шіковному косарьови. Діточкы із нив ідуть, Знавуть добре в вершка путь, Там де потятка щебечуть І дерева в хащи шепчуть, Штось приказувуть, говорять, А ozvěna лем повторять, Там де віхорь фест вайдує, Польові чічкы цюлює... Жывуть чесно си помалы, Лем обы серенчу мали... Автор: Леся Адамова Стецович čtvrtek 21. července 2022 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
