ФІҐЛЯРНА СПІВАНКА... Сорохмане кучерявый, Красный и чорнявый, Так ня файно фeст чалуєш, Кличеш фурт на кавиль. Човкоры чічок заганяш, Машликом їх вяжеш! Што єдна м у тя на світі Угай пишеш й кажеш! Сонце моє, золотоє - Віры в йсе не маву! Бо фурт виджю як за те́бов Дівкы пропадавуть! Не єдна ся на́діяла, Же єї ты будеш! Из-за ниї, лем, єдної, Другых позабудеш! Айбо ты фест фрасоватый, Нечесный линґарик! Треба вбы на тебе мати Узяла биґарик! Та обы тя научила, Же треба любити, Лем єдну для серця милу, Файно сокотити. Не кильтуй ся на ня хлопче, Не вбіцяй ми зорі! Серце красного не хоче, Вун - ги віхорь в полі! Днесь з єднов, а завтра з другов, А пак йще з десятов... Серце обо́вє ся тугов - Буде розопято! Буде мучити ся тяжко, Дуже бановати, А ты будеш дись далеко Другу чаловати... Будеш човкоры дарити, Из чічок червеных... Будеш кавіль юй носити, Бо будеш влюбленый... Не любіть дівчата красных - Їх ушиткі люблять! Лакомлять ся на них часто, Серце за них гублять! Любіть тых, котрі вас хочуть Пиля себе мати! Тых, што люблять вас, сокотять - Треба честовати! Автор: Леся Адамова Стецович pátek 13. října 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
