Зага́даного чи́таво у ня, Перо́ - муй щи́т, слова́ - броня́, Хосну́ву їх красно́, пома́лы, Они́ давно́ ми цімбора́ми ста́ли, Котрі соко́тят ня префа́йно, Запи́шут в де́нниках ми та́йны, Гадкы шлия́кі, думы, басні, Ушыткі за́житкы прекра́сні, Благи́нькі за́думы на за́втра, Кой ласкы розпалена ватра Сердечко бивно обпікає, Душа ся мучит и страдає, В гадках не є шора́ й порядку, Єство розгадує загадку: У чому смысл сего́ бытя́? - На ниї одповість жытя́!.. Загаданого читаво у ня. Не є минуты и такого дня, Обы' м ся штось новоє не навчила, Штось файноє не написала, изробила, Когось устрітила, комусь и помогла, Довкола фест є небрязі и зла, Котрі ся путавут нам фурт пуд ногы... Переступаєме через чужі порогы, Десь ся поклониме, попросиме покорно, А десь прошепчеме ищи раз вто повторно, Бо планы свої маєме в жытьови, Йдеме тихинько си, по свойому путьови, Ставут ся нам шили́які трафункы, Судьба дає печаткы и цюлюнкы... При сьому лем бы знати иппно треба - Што се така є Воля й Замысл Неба!.. Автор: Леся Адамова Стецович pátek 3. března 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
