24 ГОДИНЬІ В ЗАКАРПАТТЮ Світло вкрали челяди кероны - Теміньов накрыв ся рудный Край... Злобно и пророчо каркавут вороны... Студінь крижана. Не гріє теплый чай... Смутні тварі жуночок старинькых, Радости тепирь не дуже є. Онлайн учаться великі и малинькі, З дня на динь ся туй "якось" жиє'... У зеленых анцуґах воєнні Изпиравут бусикы пудшор... Туй фунґувут "порядкы" шалені - В душах поселивший ся мінор. В темноті и студени вповиват, Дись там, Мати молода дитя, Страх за будущность дітинкы ї розриват, Бойит ся, якоє буде туй житя?! В канцеляріях на урядах - без зміны. Там уютно, світло и тепло. Там почти што не настали переміны, Там чистинько, файно и красно... Лем руснак из бронзы цідит воду Супукуйно из дувжанкы у гордув! Стоить фурт туй, у любу погоду, З мириґув ищи нив не задув! Маву у души из сього смуток - Шкода чилядь ми, што стало жы́є туй... Обрыває ся помалы моє "путо" - Вже для ня не є туй Рай особный муй... Автор: Леся Адамова Стецович středa 25. ledna 2023 год
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.