Русинская поэтесса Леся Адамова Стецович «Бабка наші ми казали: Лем ся дівко не жури! Вбы сьме Милость Божу мали – Все ся Богу помоли…»

Русинская поэтесса Леся Адамова Стецович «Бабка наші ми казали: Лем ся дівко не жури! Вбы сьме Милость Божу мали – Все ся Богу помоли…»

Бабка наші ми казали:
Лем ся дівко не жури!
Вбы сьме Милость Божу мали -
Все ся Богу помоли!

Кедь идуть гадкы нефайні
Помоли ся краснинько,
Кой шоры безмоцні, крайні -
Та поможе Богонько!

Кедь в души ти дуже тяжко,
Серце каміньом давить,
Кедь ся бойиш, є ти страшно,
Авадь фрас дись вертепить -

Помоли ся щиро вд Богу
И оддай журу Йому,
Клич Сятьіх си на пудмогу
Й Мамку Божу, Пресвяту.

Пожелай добра в молитві
Вшыткым тым, тко фест тя їсть!
Їх у їхнюй темнуй битві
Зло настигне й чорна вість. 

Кедь пуд моцу ти, префайно
Їх красно благослови!
Вонка голосно, нетайно
Отче наш ся помоли!

Господь знає, што чинити
Має з чорными людьми...
Кедь Го добре попросити -
Просьбу вчувувуть и они...

Ты оддай в молитві смуток,
Лем Небесному Отцю...
И незримым моцным путом
В серцю май молитву ту!

...Так приказували Бабка...
А я так роблю... Помагає...

Автор: Леся Адамова Стецович úterý 29. listopadu 2022 год

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения: Леся Адамова Стецович, в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.

Left Menu Icon