НАШІ ОБЫЧАЇ. Та чи є такі, що помнят, Як мы колись жили- Без наших обычаю, Мы нич не робили. Но например... Сватанкы- Як то было файно, Як старалися дівкы, БЫ всьо пруйшло айно.... Два дны вся родня парує, Їды і салаты- Абы їм сваты ні в чому, Не могли дугнати. Дівка дуже переживат- Що юй ныні вкажут, Чи вызьмут ї за невіску, Чы юй не одкажут. Настав довгожданный вечур... Зыйшлася родина, Мало щось поговорили, А потом гостина. -Мы береме дівку вашу! - Сватач вголосився. -Ты, леґіню, пудгачкайся, Сам єс напросився. Трібну жону будеш мати, Файну як косиця, Вона в шлайері буде, Ипна выдданиця. Позавпуночи уже.. Дому ся збирают, Коли буду піч вбзираты, Вни сЯ договоряют.... Май ся метушит родина- Їдіня парує. А леґінь дись у возарни, Тихо піч мурує. Там його отиць найшов: -А ты, що городиш? Чис ся розуму лишив, Нащо ту піч робиш? Лиґінь блискає очима- Що має казати, Прийде дівчины родина, Ту піч обзирати! Прийшла дівка із родинов, Із няньком і мамков, Із стрыями і вуйками, З дідиком і бабков. Свахы муцно ся обняли, Тай поцюльовали, А сваты як має быти, Рукы си пожалы. Повсідалися за стул, Паленку одкрыли- За возз'єднання родин, По 50 налили. Лиґінь сидит як на грани, Думає - гадає: -Чого дівчины родня, Піч не обзирає? Май Сватач уголосився: -Но ты майстер, свату, Трібну сте піч змуровали, Беріт невіску в хату. Невіска буде на печi, Вам їсты варити, Печи буде колачi, Будете добре жити. Нуч ся гостили... Пуд рано, Сваты дому йдут... Всьо рішили.. І типир, Вже дня свальбы ждут.... автор: Аня Цiрик 17.11.2021 г.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора Аня Цiрик, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
К сожалению, настали такие тяжёлые времена, что люди мало ходят в гости. И традиции постепенно уходят