Русинськоє літературно-културноє общество основало премію им. Мигаля Града, кōтра ся буде вручати у двох нōмінацїях, за розвōй и пропагованя русинськōй літературы и културы. Лауреатам будут врученї красні деревлянї таблы из барельєфом Града, кōтрі сьте видїли на образчиках. Не гōднї сьме не спомнити майстра, кōтрый тоты таблы радо зробив. По його словам, дїля нього честь зробити рōбōту дїля общого дїла Представляєме Вам талантливого умільця - Ігоря Юрійовича Дублея, котрый ся родив 23 марта 1986 рōку у селї Вонїґово, Тячовського райōну. Ігорь кӯнчив оснōвну шкōлу у Вōнïґові, по тōму дорадив ся углубити свōї знання и уміня у Тячӯвськōму рофесїйнōму Ліцейови, спецїалізуючи ся на ремōнтї мōтōрӯв. У 2004 рōцї вӯн удачно кӯнчив учōбу тай дӯстав професїйну ōсвіту у сюй галузї. Из ранньых дїтōчых рōкӯв Ігора прикапчовав ид рōбōтї из деревом його дїдик, котрый быв читавым остолашом. Исе мало вплыв на будучного умільця на тӯлько, што привело го до выбору дорогы умільця, присяченого дереву. Ігорь рōзуміє, што робота из деревом - исе не лише професія, ай и умільство. Вӯн фурт ся старат удоскональовати свōї уміня тай учити нōві технолōґії дїля вчиненя майліпшых вырōбӯв из дерева. Діля нього деревина - исе не лише матеріал, а й жерело вдохнōвліня, котроє усе чинит нōві мōжнōстї дїля творчества тай розвōю. Ігорь Дублей продōвжат радувати нас своєв унїкальнōв майстернōстьов тай чинити шедевры, кōтрі чудуют своєв красōтōв. Його роботы - исе правдивый доказ того, як умільство годно природньо єднатм красōту природы из творчестьов чōлōвіка. Най ися публікація про талановивого умільця служит краснōв інформацїйōв дїля Вас тай вдохновит другых на путь до творчого самовираження.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать гиперссылку на источник https://rusinskiimir.ru/ в иных случаях будем обращаться в соответствующие инстанции (админам соц.сетей, и Суд). Фото использованы из открытых источников интернет пространства.
