Молодой краевед и будущий историк М. Чикивдя, собрал архивные данные о предпренимателях села Нелепино, Свалявского района, Закарпатской области, во время пребывания края в составе Чехословакии. Русинское национальное достояние!

ПӮДУЗЯТНИКЫ НЕЛІПИНА У ЧАСЫ ЧЕХОСЛОВАКІЇ.

Неліпино – село на Свалявщині. У первый рас ся споминат у 1430. рōцї. При Австро-Мадярщинї, а пак при Чехословакії было у составі Свалявсього ōкругу кōмітату ( а пак жупы) Береґ.

Про перву цирькōв сут записы за 1691. рӯк. Ищи у 18. ст. туй было выявлено квасну (мінеральну) вōду. Сут записы, ож Барон Шенборн выдправляв ї на аналіз до Відня, у 1758 рōцї. При Австро-Мадярщинї, Неліпино славило ся своими мінеральными водами, курортом, хащами из дикōв звіркōв. Быв у селі и липовый парк, котрый прославив даный населенный пункт.

На курōртї люди выддыхали, лічили ся мінеральными водами тай ходили на вадаску. Айбо у 30. рокы, При Чехословакії вӯн перестав фунґовати. А што было у Неліпинї у часы Подкарпатськōй Руси? Кōтрі были пӯдузятникы и инші дрӯбнї промыслōвцї? Ōтвіт нам давут архівнї данї за 1930., 1937. и 1938. рӯк.

Фото. Жд. станция, Усть-Чорна. Русинский Мир.

Станом на 1930.рӯк у селі было:

1471 – русинӯв,
612 – жидӯв,
17 – німцїв,
16 – мадярӯв.

У 1930. рōцї фунґовало Ґаздӯвськоє цімборство тай Кредитноє цімборство у Неліпинї.

Великым ЗЕМЛЕВЛАСТНИКОМ на тот час была Ґаздӯвська промыслова акція «Латориця».

Фото. Закарпатский предприниматель. Русинский Мир.

И ТАК:

ГОТЕЛ быв у Росенберґа Мозеша, Штефана Самуїла, Стернова Жени. А из 1937. рōку – Росенберґа Мозеша, Стерна Самуїла, Абраама, Стернова Жени.
МЛИН быв у Штерна Маркуса. КОВАЧОМ быв Фонташ Юрко.
Сантехник (запис выд 1937.рōку) Беркович Мōріс. ШЕВЦЇ Розенберґ Хайм, Енґел Натан.
ЧОБОТАРІ были Фізер Фидӯр и Фрійдман Шімон, а из 1937. рōку – Фізер Фидӯр, Фрійдман Симен, Вахтелгейм Маркус, Вейсз Лазар.
СКЛЯРОМ быв Енґел Іхл Маєр.
СТŌЛЯРІ были Схаффер Йосиф и Ґампар Улман.
МАЙСТРАМИ (стрōйка) были Бернат Антон и Петро.
БŌВТ быв у Бирнбаума Ісака, Стерна Хайма и Вōльфа. А за записами 1937. рōку – Бирнбаума Ісака, Енґла Іхл Маєра, Клейнман Лейбошōвōї, Кополовича Менделя, Стернӯв Хайма и Вōльфа.
Выд 1937. рōку у Неліпинї были три Ґалантерійнї бōвты Клеймана Фанї, Росенберґа Германа тай Вейс Шіє Абраама.
ДОГАН продавали Стерн Хайм и Вōльф Жени.
МНЯСАРОШАМИ были Енґел Віґнер тай Схахтер Мозеш. А у из 1937. рōку записанный лише Беркович Франт.
ПЕКАРНЯ были у Клейманōвōй Бейлы.

Фото. Жд. станция, Усть-Чорна. Русинский Мир.

Также сут записы, ож у селі были:

2 дохторе.
Акушерками (сїльські бабы) у 1930. рōцї были записанї Бруднякова Марія и Лявинцьова Анна, а из 1937. рōку записанї Болґарова Юлія и Лявинцьова Анна.

Як можеме видїти, вшидкый «бізнес» быв у єврейськых руках, што и ни дуже чунно.

автор: Михаил Чикивдя.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.