“НИЧИСТІ” ЗВІРЯТА (домашнї) У НАРОДНЫХ ВІРОВАНЯХ.
Чилядь, што жиє по селах, держит на опшарю худōбу и инаку хыжну звірку, oбы мати з ний хосен. Ни кажу за днешный час, бо типирь мало худобы ся повставало у чиляди, давно ї было читаво.
Фото. Женщина в своём дворе кормит домашнюю скотину. Русинский Мир.
Тото была и:
- Рогата маржина,
- Кōнї,
- Вӯцї,
- Свинї,
- Кури и так дальше.
И из каждōй звіркы была выгода, ци як пōмӯч у земледїльстві, ци як діля продуктӯв, ідїня.
Фото. Пастух в Карпатских горах, пасёт стадо овец. Русинский Мир.
Айбо по народных звыках, ни кажда хыжна звірка єднако была у пōчōтї межи карпатськых русинӯв.
Приміром чистоє:
- У рогатӯй худōбі, чилядь видїла што сь чистоє, “сятоє”, подобноє до чиляди, што помагало біднōму руснакови жити.
- И кидь корова и была хвора, авадь стара, та ни сміли ї зарізати, вōліє умерти свойив смиртьов.
- До сякой маржины ставили ся, ги до людий.
Фото. Коровы пасутся в горах. Русинский Мир.
Приміром нечистоє:
- А уже коня раховали за ничисту “чōртōву” звірку, вірили, ож фрас хоть-коли годен вселити ся у коня, має над ним власть. Так ипен мож пувісти за мачок, свини и иншых.
- У мачках фурт видїли, што сь нидоброє. За народными вірованями, як у жабу, так ипен и у мачку, годна ся учинити босорканя, кōй поночи ходит.
- А кидь ся догадати за май знамі забобоны, та нараз ся догадуєме, ож кидь мачка (май хуже чорна) перийде путь, та ни поведе ся.
- Пес, ги знаєме, походит выд вōвка, а сам вовк тїсно звязаный из вōвкунами – дводушниками, што в пӯноче из чōлōвіка перичинят ся у фōрму вōвка.
- Кōгут тай кури, хосновали ся босорканями у разных ретуалах, які ōни.
- Приміром, іх крōв, чорноє піря, голова, гыртанка, у разных актах играли главну рōль.
- За коня пише Фидӯр Потушняк у свойих роботах, ож вӯн (кӯнь) повстав из чорта.
- Чōлōвік тяг сам бōрōну, а чорт сів на нього, обы ищи май тяжков была.
- Тōму Бог, обернув го за исе в коня.
Фото. Лошадь пасётся на горном лугу. Русинский Мир.
А завто, ож дуже быстрый быв, вытяг му жилу из ногы там, де типирь твирдоє на стегні. Завто, кōй давно датко умирав, та везли мерця лише на волах, а не на конях.
Вместе с вами, мы сделаем Русинский Мир лучше!
При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/ и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).Фото использованы из открытых источников интернет пространства.
Михаил, как всегда очень интересно