Молодой краевед и будущий историк Михаил Чикивдя, собрал архивные данные за; 1925 г., 1930 г., 1937 г. о жителях по национальной принадлежности и предпринимателях села Анталовци (первое упоминание в 1548 г.), в период Подкарпатской Руси. Русинское национальное достояние!

ПӮДУЗЯТНИКЫ И ПРОМЫСЕЛ АНТАЛŌВЦЇВ У ПЕРІОД ПОДКАРПАТСЬКŌЙ РУСИ.

Анталōвцї – село на Ужгородщинї, авадь на теритōрії историчного кōмітату Унґ. У первый рас ся писемно споминат у 1548. рōцї.

При Австро-Мадярщинї у селі была гамора, котра была вымурована у 1820. рōцї и фунґовала до 1960 рōкӯв.

Быв у Анталōвцях промысл, што чинив бочкы.

Споминат ся и бандарськый промысел, котрый фунґовав у рокы Первōй світовōй вōйны.

Кроме сього промысла, туй были и пілорамы тай деревопеперōбнї заводы, де чинили и рукōяткы тай накладкы. Дуже читаво для економікы помагала важна штрека Ужгород-Радванка-Анталōвцї, котра, при Чехословакії, через якыйсь час, перейшла до Лісовōй управы. Вшидкый деревный промысел тоже перейшōв до сий управы, а зачали там уже чинити спортивнї инструменты.

Напишу дащо из справочника «Подкарпатська Русь» Ярослава Достала.

Люднōсть 1037:

• 682 русинӯв,
• 272 чехӯв и словакӯв,
• 21 єврейів,
• 20 мадярӯв,
• 2 німцїв,
• 40 иноземцїв.

Промысел:

• Пілорама,
• Деревный промысел (фанера, бочкы, шпалы),
• Сут поклады лінгіту и бурого уґля.

А яка економічна ситуацїя была у 1925 рōцї?

За архівными даными у селі были:

• 2 готелі,
• 3 бōвты,
• 1 млин.
• Быв тоды:
• Кōжляр,
• Мнясарош,
• Чōбōтяр,
• Коваль,
• А єден чōлōвік занимав ся пілами.

Вшидко ся мінят уже через 5. рōкӯв, у 1930 рōцї.

Тоды:

• ГОТЕЛ быв у Нідермана Мікша тай Рахтеровōй Марії,
• БŌВТЫ –  у Бок. Карела, Рахтеровōй Марії и Шенберга Иґната.
• ДОГАН продавав Нідерман Мікша, а из 1937. рōку и Ковач Иван.
• КОВАЛЬ Ґутлебет Константин,
• ЧŌБŌТЯРЬ Авслендер Золтан,
• СТŌЛЯР Прокиш Франт,
• МНЯСАРŌШІ – Мейс Буріх и Рахтерова Марія.
• У Анталōвцях быв державный млин, а великым ЗЕМЛЕВЛАСТНИКОМ быв Лісовый уряд (філіал Середнього).
• У сього уряду также были ПІЛЫ.

У 1937 рōцї ипен читаво ся нич ни пōміняло, хыба, ож Лісовый уряд уже быв містный, а ни філіалом Середнього тай быв созданный Уряд деревного промысла.

За записами 1937 рōкы:

• Бōвты были у Ковача Ивана тай Рахтеровōй Марії,
• Стōляром уже быв Похан Павло.
• КОВАЛНЯ записана Костьо Йосифа,
• АКУШЕРКЫ Мошакова Марія и Райничова Анна.
• ЛИЖІ чинив Похан Павло тай завод «ЗВОР».

Сяка истōрія пӯдузятникӯв и промысла сього села. Видиме, ож як было давно, а як є типирь. Мож ся задумати…

автор: Михаил Чикивдя.

Вместе с вами, мы сделаем Русинский Мир лучше!

При копировании данного материала, либо использования в любом виде (печатном, аудио, видео) на своих ресурсах, просьба указывать источник https://rusinskiimir.ru/  и автора произведения Михаил Чикивдя, в иных случаях будем обращаться в соответствующие инстанции (админам соц.сетей, и Суд).